Category: Afurika
Barack Obama, yashoje uruzinduko rwe muri Kenya
by www.igihe.info
Mu ijambo ryanyuze kuri televiziyo, Perezida Obama yabwiye abanya Kenya ko Kenya yavuye kure mu rwego rw’ubukungu na politiki.
Ariko rero anaburira abamwumva ko ruswa, iterabwoba, ivangura rishingiye ku moko ari ibibazo bibangamiye ejo hazaza h’icyo gihugu.
Yashimye ukuntu igihugu kivanye mu bikorwa by’urugomo bishingiye ku moko byakurikiye amatora ataravuzweho rumwe yo muri 2007.
Yavuze kandi ko ruswa ituma abantu ibihumbi 250 babura akazi.
Uruzinduko rwa Obama muri Kenya rwatangiye kuwa gatanu ni urwa mbere akoreye mu gihugu se yavukiyemo ari Perezida wa Amerika.
Perezida Obama ategerejwe muri Ethiopia kuri iki cyumweru. Azaba kandi abaye umuperezida wa mbere wa Amerika usuye icyo gihugu.
BBC
Ifoto y’Umunsi: Obama Ahoberana na Mushiki We Auma Obama
Perezida Obama Yakiranywe Urugwiro n’Urukumbuzi Rwinshi n’Abo mu Muryango We-Amafoto
Mu myaka umunani amaze ku butegetsi nk’umukuru wa Leta Zunze Ubumwe za Amerika ni bwo bwa mbere Perezida Obama akandagije ikirenge muri Kenya ari Perezida wa Amerika. Nubwo aje mu kazi k’Ububanyi n’amahanga bya Amerika aho azibanda ku bibazo by’ubucuruzi n’umutekano muri kariya karere, abanyakenya bavuye hasi si ukumwishimira karahava kuko se yari umunyeshuri w’umunyakenya wagiye kwiga muri Amerika akamenyanirayo n’umuzungukazi baje kubyarana uwaje kuba Perezida wa Amerika. Ubu abanyakenya bumva batewe ishema nuko ubakomokamo yabaye Perezida w’igihugu kirusha ibindi gukomera ku isi. Abo mu muryango we wa hafi ubu bafashwe nk’ibikomangoma amaso yose ni bo areba. Mushiki we basangiye se Dr Auma Obama yanatemberanye na Obama mu modoka ye y’akataraboneka mu by’umutekano yitwa the Beast mu kinyarwand a Inyamanswa!
 |
| Obama na mushiki we Auma Obama barebana akana ko mu jisho! |
 |
| Obama ahoberana na mushiki we Dr Auma Obama. |
 |
| Abavandimwe Barack Obama na Dr Auma Obama.Bifotozanya |
 |
| Mama Sarah Obama, nyirakuru nyinawabo wa Obama na mushiki we Dr Auma Obama. |
Obama muri Kenya-Amafoto
Perezida Barack Obama wa Amerika waraye asesekaye i Nairobi muri Kenya yakiranywe urugwiro n’igihugu se akomokamo. Abategetsi bakuru b’igihugu ndetse n’umuryango we baje kumwakira. Umutekano na wo ni wose kuko Kenya ari igihugu kiri hafi ya Somalia yibasiwe n’intagondwa za Al Shebab zitahwemye kugaba ibitero muri Kenya. Biteganyijwe ko nyuma y’uru rugendo muri Kenya, Obama azerekeza muri Ethiopia
 |
| Obama na Mushiki we na Nyina wabo |
 |
| Obama ahoberana na Mushikiwe |
 |
| Umutekano |
Nairobi: Perezida Obama Yageze muri Kenya
by www.igihe.info
Perezida wa Amerika, Barack Obama, yageze i Nairobi muri Kenya mu ruzinduko rw’iminsi itatu.
Mbere yo guhaguruka, Perezida Obama yavuze ko uruzinduko rwe rugamije kwerekana ko Amerika yahagurikiye kurwanya iterabwoba muri Afurika y’uburasirazuba.
Ariko anavuga ko atazarya umunwa mu kwamagana ruswa n’ibyaha byibasira inyoko muntu cyane cyane ihohoterwa ry’abagirana imibonano mpuzabitsina ari ab’igitsina kimwe. Mu kumwitegura, imihanda myinshi yafunzwe, abashinzwe umutekano bakwirakwije hirya no hino mu mujyi wa Nairobi kandi indege za gisirikare za Amerika ziriwe zicunga ikirere.
Igihugu cya Kenya kibasiwe n’ibitero by’iterabwoba by’umutwe wa al-Shabaab.
Burundi:Pierre Nkurunziza yatsinze amatora
Mu Burundi ibyavuye mu matora y’umukuru w’igihugu yabaye kuwa 21/07/2015 byatangajwe.
Perezida ucyuye igihe Pierre Nkurunziza niwe wayatsinze n’amajwi 69.41% hakurikijwe imibare y’agateganyo yatangajwe n’akanama gashinzwe amatora – CENI.
Agathon Rwasa wo mu runani Amizero y’abarundi yaje ku mwanya wa kabiri n’amajwi 18.99%.
Ku mwanya wa gatatu haza Gerard Nduwayo wo muri Uprona n’amajwi 2.14%.
Umubare w’abitabiriye amatora ni 73,44%.
Kuva aho Perezida Pierre Nkurunziza atangarije kwiyamamaza kuyobora igihugu ku nshuro ya gatatu, mu Burundi habaye imyigaragambyo – yaguyemo abantu – yamagana icyo cyemezo bamwe bavuga ko kinyuranye n’itegeko nshinga.
Amatora mu Burundi: ONU ivuga ko yabaye mu mutuzo
 |
| Perezida Nkurunziza ku murongo agiye gutora |
Mu itangazo ryashyizwe ku rubuga rw’Umuryango w’Abibumbye kuri uyu wa 23 Nyakanga, Umunyamabanga mukuru w’uyu muryango; Ban Ki-Moon yatangaje ko amatora y’umukuru w’igihugu yabaye kuri uyu wa 21 Nyakanga i Burundi yakozwe mu mutuzo n’amahoro.
Ban Ki-moon yasabye amashyaka atavuga rumwe na Leta i Burundi guhosha imidugararo ikomeje kubera muri iki gihugu abahamagarira gukomeza kugirana ibiganiro bigamije amahoro.
Komisiyo y’amatora mu Burundi ivuga ko amatora yitabiriwe ku kigero kirenga 70%, ibyavuye mu matora by’agateganyo ngo biratangazwa kuri uyu wa gatanu.
Ban Ki-moon yasabye amashyaka yose akorera i Burundi gushyira imbere inyungu z’abaturage nk’uko byavuye mu myanzuro y’inama yahuje abakuru b’ibihugu bya Afurika y’Uburasirazuba.
Iri tangazo rigira riti“ uwatsinda amatora wese mu Burundi agomba gushyiraho Guverinoma igamije ubumwe kandi ihuriwemo n’abandi bose bitabiriye amatora n’abatarayitabiriye.”
Twabibutsa ko aya matora atavugwaho rumwe n’abarundi bose aho abatavuga rumwe na Leta bavuga ko atarakwiye kubaho kuko Perezida Nkurunziza nta burenganzira yari afite bwo kwiyamamariza manda ya gatatu mu gihe uruhande rw’ubutegetsi rusanga aya matora yari akwiriye kandi ko yubahirije itegeko nshinga.
Abatavuga rumwe n’ubutegetsi banze kwitabira aya matora uretse Agathon Rwasa w’Amizero y’Abarundi.
Imyigaragambyo yo kurwanya bwana Nkurunziza imaze kugwamo abarenga 70 naho impunzi zigera ku 100.000 zimaze guhunga igihugu.
Amatora mu Burundi-Agathon Rwasa Arasaba ko Habaho Reta Ihuriweho na Bose
 |
| Agathon Rwasa |
Agathon Rwasa, Uwuza imbere mu batavuga rumwe na Reta y’Uburundi ahamagarira umukuru w’igihugu Petero Nkurunziza kubandanya ibiganiro n’abatavuga rumwe nawe,kandi ashireho Reta ihuriwemwo na bose inyuma y’amatora y’umukuru w’igihugu.
Kubwa Rwasa Agathon arongoye Urunani rw’Abigenga Amizero y’Abarundi avuga ko,ibiganiro n’ishingwa ry’intwaro ihuriwemwo na bose,vyokingira igihugu gusubira mu ntambara,ishobora kuva ku bategetsi mu gisirikare bagomvye gutembagaza ubutegetsi hagati mu kwezi kwa 5,bamenyesheje ko bashobora gukoresha ibirwanisho mu gukura ku butegetsi umukuru w’igihugu.
Rwasa Agathon avuga ko ayandi matora yotunganywa inyuma y’umwaka mu ntumbero yo gutorera inyishu ikibazo c’Uburundi.
Mwomenya ko Rwasa Agathon aza mu kibanza ca kabiri mu matora y’umukuru w’igihugu yabaye kw’igenekerezo rya 21 Mukakaro.
RPA AMAKURU
U Burundi buratunga agatoki u Rwanda ko rucumbikiye abasirikare 3 bakomeye barwanya Leta yabwo
by www.igihe.info
Amakuru dukesha RFI, avuga ko ibyo byatangajwe na Alain Aimé Nyamitwe Minisitiri w’ububanyi n’amahanga w’u Burundi, avuga ko hari amakuru bafite yemeza ko hari abasirikare b’iki gihugu baherereye mu Rwanda.
By’umwihariko ibyo akaba yabitangaje nyuma y’igitero cyagabwe ku butaka bw’u Burundi ku wa 10 Nyakanga 2015, kibera mu ntara iri hafi n’umupaka w’u Rwanda n’u Burundi.
Amakuru atangazwa n’uyu muminisitiri ngo ni uko nyuma y’icyo gitero bafite amakuru avuga ko abo bajenerali 3 bari mu Rwanda ari nabo bateguye icyo gitero cyagabwe ku butaka bwabo.
Ati: “Twabimenyesheje icyo gihugu, mu nzira nziza[…]”.
Minisitiri Nyamitwe yakomeje avuga ko igihugu cy’u Burundi kibabajwe n’abasirikare bacyo bari mu Rwanda bakahava bajya gutera ku butaka bwabo.
Hagati aho Leta y’u Rwanda ikaba ntacyo yari yatangaza ku byo u Burundi buvuga ko rwaba rucumbikiye abo basirikare bigometse kuri Leta ya Nkurunziza.
Urwenya 